«Fiorentina» «Arsenal» yarim himoyachisi Lukas Torreyrani to‘liq sotib olish ustida ishlamoqda.

FirenzeViola nashri xabariga ko‘ra, urugvaylik futbolchining vakili bugun «Fiorentina» ofisiga tashrif buyurib, klub rahbariyati bilan muzokara o‘tkazdi. Tomonlar hali ham kelishuvga erisha olishmayapti, biroq masala oldinga siljiy boshladi. Qayd etilishicha, «binafsharanglilar» «Arsenal» bilan transfer summasini kelishib olishgan. Taxminlarga ko‘ra, bu o‘n besh million yevro bo‘lishi mumkin.

Torreyra joriy mavsumda «Fiorentina» safida barcha turnirlar doirasida 25 ta o‘yinda maydonga tushib, 2 ta gol urdi va bitta golli uzatmani amalga oshirdi.