«Liverpul» hujumchisi Muhammad Saloh «Oltin to‘p» uchun ovoz berish natijalaridan hayratda qolganini aytdi.
«Oltin to‘p»ning natijalari men uchun shok holatda bo‘ldi, - deydi Salah. - Yettinchi bo‘laman, deb hech kim o‘ylamagandi. Lekin men fitna nazariyalariga ishonmayman. Ko‘p davlatlar futboldan uzoqda».
Hujumchining so‘zlariga ko‘ra, u ovoz berishda nimaga asoslanganini bilmaydi.
«Bu yerda nimadir noto‘g‘ri ekanligini ko‘rsatish uchun menda hech qanday dalil yo‘q. Haqiqatan ham bilmayman, lekin natijalar meni hayratda qoldirdi», — dedi u.
Eslatib o‘tamiz, 29 yoshli misrlik ovoz berishda yettinchi o‘rinni egallagan edi. «Oltin to‘p»ni «PSJ» hujumchisi Lionel Messi qo‘lga kiritdi.
