Milanning «Inter» klubi hujumchisi Lautaro Martines ingliz grand klublari qiziqishlar doirasiga tushib qoldi.

«Manchester Siti» Dortmundning «Borussiya» klubi futbolchisi Erling Xoland transferida muvaffaqiyatsizlikka uchrasa, hujumni kuchaytirish uchun muqobil variant sifatida Lautaroni ko‘rib chiqmoqda. Bundan tashqari, The Sun nashri xabariga ko‘ra, argentinalik futbolchi hujum chizig‘ini yangilashni rejalashtirayotgan «Liverpul» ham da’vogarlik qilmoqda.

24 yoshli Lautaro Martines joriy mavsum «Inter» safida 35 o‘yinda 12 ta gol urdi. Uning barcha musobaqalardagi golsiz seriyasi 10 ta uchrashuvga yetdi. Transfermarkt argentinalik hujumchini 80 million yevroga baholagan.