Миланнинг «Интер» клуби ҳужумчиси Лаутаро Мартинес инглиз гранд клублари қизиқишлар доирасига тушиб қолди.
«Манчестер Сити» Дортмунднинг «Боруссия» клуби футболчиси Эрлинг Холанд трансферида муваффақиятсизликка учраса, ҳужумни кучайтириш учун муқобил вариант сифатида Лаутарони кўриб чиқмоқда. Бундан ташқари, The Sun нашри хабарига кўра, аргентиналик футболчи ҳужум чизиғини янгилашни режалаштираётган «Ливерпуль» ҳам даъвогарлик қилмоқда.
24 ёшли Лаутаро Мартинес жорий мавсум «Интер» сафида 35 ўйинда 12 та гол урди. Унинг барча мусобақалардаги голсиз серияси 10 та учрашувга етди. Трансфермаркт аргентиналик ҳужумчини 80 миллион еврога баҳолаган.
