Dortmundning "Borussiya" klubi hujumchisi Erling Xoland jarohati qaytalanishi sababli bir oyni o‘tkazib yuboradi. Bu haqda Mundo Deportivo xabar bermoqda.

21 yoshli norvegiyalik hujumchi 2021 yilning yanvar oyida "Xoffenxaym"ga qarshi o‘yinda olgan jarohatidan so‘ng maydonga tushgani yo‘q.

Umuman olganda, Xoland jarohati tufayli joriy mavsumda 16 ta o‘yinni o‘tkazib yubordi.

Norvegiyalikning dortmundliklar bilan amaldagi shartnomasi 2024 yilda tugaydi. Joriy mavsumda Xoland Germaniya Bundesligasining 14 ta o‘yinida qatnashib, 16 ta gol urdi va 5 ta golli uzatmani amalga oshirdi.

Avvalroq unga “Barselona” va “Real” qiziqish bildirayotgani haqida xabarlar tarqalgan edi.