Дортмунднинг "Боруссия" клуби ҳужумчиси Эрлинг Холанд жароҳати қайталаниши сабабли бир ойни ўтказиб юборади. Бу ҳақда Mundo Deportivo хабар бермоқда.
21 ёшли норвегиялик ҳужумчи 2021 йилнинг январь ойида "Хоффенхайм"га қарши ўйинда олган жароҳатидан сўнг майдонга тушгани йўқ.
Умуман олганда, Холанд жароҳати туфайли жорий мавсумда 16 та ўйинни ўтказиб юборди.
Норвегияликнинг дортмундликлар билан амалдаги шартномаси 2024 йилда тугайди. Жорий мавсумда Холанд Германия Бундеслигасининг 14 та ўйинида қатнашиб, 16 та гол урди ва 5 та голли узатмани амалга оширди.
Аввалроқ унга “Барселона” ва “Реал” қизиқиш билдираётгани ҳақида хабарлар тарқалган эди.
