Fransiya chempionatining 27-turidan o‘rin olgan «PSJ» va «Nissa» jamoalari o‘rtasidagi o‘yin 5 mart, shanba kuni bo‘lib o‘tdi.

Nissada o‘tgan o‘yin mezbonlarning 1:0 hisobidagi g‘alabasi bilan yakunlandi. Bahs taqdirini hal qilib bergan gol 88-daqiqada Andi Delor tomonidan kiritildi.

Shu tariqa, «PSJ» kutilmaganda mag‘lubiyat alamini totib ko‘rishga majbur bo‘ldi. Poytaxt klubi hujumchisi Kilian Mbappe mazkur o‘yinni o‘tkazib yuborgan bo‘lsa, Lionel Messi va Neymar to‘liq 90 daqiqadan harakat qildi.

Mag‘lubiyatga qaramay parijliklar 62 ochko bilan musobaqa jadvalida eng yaqin ta’qibchisi «Nissa»ni 13 ochkoga ortda qoldirmoqda.

Liga 1, 27-tur
5 mart, shanba
«Nissa» – «PSJ» 1:0
Gol: 1:0 – 88 Delor.
«Nissa»: Benites, Danilyuk (Lotomba, 79), Dante, Todibo, Bar, Tyuram (Stengs, 79), Lemina (Shnayderlin, 70), Rosario, Klyuyvert (Budaui, 86), Dolberg (Delor, 70), Guiri.
«PSJ»: Navas, Kerer (Draksler, 90), Markinyos, Diallo, Bernat, Veynaldum (Guye, 90), Danilu Pereyra, Verratti, Di Mariya (Ikardi, 79), Messi, Neymar.
Ogohlantirishlar: Lemina (33).