"Manchester Yunayted"ning 19 yoshli yarim himoyachisi Gannibal Mejbri Krishtianu Ronaldu haqida gapirdi.
"Men futbol olamida eng ko‘p ishlagan inson bilan gaplashyapman. Bu Krishtianu Ronaldu. Men undan faqat o‘rganishim mumkin va men buni har doim qilaman. Doim uning nima qilayotganini kuzataman.
Uni har kuni ko‘rsangiz, uning uchun faqat bitta narsa borligini tushunasiz - ish. U tanasi uchun foydali bo‘lgan narsani qiladi.
Men ovqatlanayotganda uning likopchasiga ham qarayman, likopchamda ham uniki kabi ovqatlar bo‘lishiga harakat qilaman", - deya Mejbrining so‘zlarini keltiradi Onxe Mudial.
