“Barselona” yozda tarkibiga bir qancha yetakchi futbolchilarni qo‘shib olish ustida ishlamoqda, deb xabar beradi TodoFichajes nashri.

Manbaga ko‘ra, ispan klubining asosiy maqsadi “Borussiya” hujumchisi Erling Xoland hisoblanadi. Ushbu transfer amalga oshganidan keyin “ko‘k-anorranglilar” bor e’tiborini “Monako” futbolchisi Orelyen Tchuameniga qaratadi.

Klub bosh murabbiy Xavi Ernandes “Barsa”ning har bir pozisiyasini kuchaytirish ustida ishlamoqda. Shu sabab klub rahbariyatiga iqtidorli yarim himoyachini sotib olish taklifini bildirgan.

Fransuz klubi Tchuamenini 60 million yevroga baholagan. Kataloniyaliklar bu summani to‘lay oladimi yoki yo‘qmi hozircha noma’lum.