“Барселона” ёзда таркибига бир қанча етакчи футболчиларни қўшиб олиш устида ишламоқда, деб хабар беради TodoFichajes нашри.
Манбага кўра, испан клубининг асосий мақсади “Боруссия” ҳужумчиси Эрлинг Холанд ҳисобланади. Ушбу трансфер амалга ошганидан кейин “кўк-анорранглилар” бор эътиборини “Монако” футболчиси Орельен Тчуаменига қаратади.
Клуб бош мураббий Хави Эрнандес “Барса”нинг ҳар бир позициясини кучайтириш устида ишламоқда. Шу сабаб клуб раҳбариятига иқтидорли ярим ҳимоячини сотиб олиш таклифини билдирган.
Француз клуби Тчуаменини 60 миллион еврога баҳолаган. Каталонияликлар бу суммани тўлай оладими ёки йўқми ҳозирча номаълум.
