«Liverpul» 27 fevral kuni Angliya liga kubogi finalida "Chelsi" bilan to‘qnash kelib, penaltilar seriyasi orqali g‘alaba qozondi. Uchrashuvning asosiy va qo‘shimcha bo‘limlarida hisob ochilmadi.
Mazkur bahsning 80-daqiqasida zaxiraga olingan "qizillar" hujumchisi Sadio Mane jamoadoshlari g‘alabani nishonlayotgan paytda «Uembli» kiyinish xonasida joynamoz ko‘tarib yurganini ko‘rishgan. Sportchi taqdirlash marosimiga kechroq qo‘shilgan.
Senegallik futbolchi dinini qattiq tutgani sababli g‘alaba nishonlanayotgan paytda namoz o‘qiyotgan ekan. Uning shuningdek, jamoadoshi Takumi Minaminodan kiyimiga shampan purkamaslikni so‘ragan.
«Bizning jamoamiz turli millat va e’tiqod vakillaridan iborat va barchamiz bir-birimizni hurmat qilgan holda o‘zaro yaxshi o‘ynashimiz va birga o‘ynashimiz kerak», - degan Sadio Mane o‘z intervyusida.
