«Chelsi»ning sobiq skauti Pit de Visser ingliz klubi xo‘jayini Roman Abramovich haqida gapirib, ko‘pchilik rossiyalik tadbirkorning sovuqqonligi haqida noto‘g‘ri fikrda ekanligini aytdi.
«Menga qizilo‘ngach saratoni tashxisi qo‘yilgan vaqtni juda yaxshi eslayman. Men kasallikdan tuzaldim, lekin ko‘p azob chekkanman. Keyin Romanga qo‘ng‘iroq qilib, lavozimimdan ketishim kerakligini aytdim. Uning menga aytgan so‘zlari hech qachon yodimdan chiqmaydi: «Pit, men sen bilan o‘n yoki yigirma yilga shartnoma imzolashga tayyorman». Men o‘lim yoqasida edim, ular menga shartnomani o‘n yoki yigirma yilga uzaytirishni taklif qilishdi. Roman mening hayotimni saqlab qolgan», - deya fikr bildiradi de Visser.
Eslatib o‘tamiz, avvalroq Abramovich 2003 yildan beri o‘ziga tegishli bo‘lgan klubni sotish qarorini e’lon qilgan edi. O‘shandan beri London klubi besh marta Premyer-ligada va ikki marta Chempionlar ligasida g‘olib chiqqan.
