«Bavariya» himoyachisi Niklas Zyule klubi kechagi Bundesliga o‘yinida nima uchun «Bayer»ni mag‘lub eta olmaganini aytdi.
«Mavsumdagi eng yaxshi 30 daqiqadan birini o‘tkazdik. Ular hisobni tenglashtirganidan so‘ng, biz o‘yin nazoratini biroz yo‘qotib qo‘ydik va ularga to‘pni juda osonlik bilan berdik. Biz ularga yana o‘yinga kirishiga imkon berdik.
Ikkinchi bo‘limda maydonga hujumkor tarzda tushdik va o‘yinni biroz yaxshiroq nazorat qildik. Bugun ko‘proq narsani kutgandik. Bu mavsumda juda yaxshi o‘ynadik, ayniqsa, o‘z uyimizda. Keyin o‘z o‘yinimizga ishonchimiz kam bo‘lgan, omadsizliklarga duch kelgan uchrashuvlar ham bo‘ldi.
Biz kuchli jamoa bilan o‘ynadik va ikkinchi bo‘limda ustunlik qildik. Biroq, bu yetarli bo‘lmadi» - dedi Zyule.
