«Arsenal» bosh murabbiyi Mikel Arteta APL doirasida «Uotford» (3:2) jamoasiga qarshi bo‘lib o‘tgan o‘yin haqidagi fikrlari bilan o‘rtoqlashdi.
“G‘alaba juda yoqimli: APLda bunday holatda bo‘lish qanchalik qiyinligini juda yaxshi bilamiz. Biz bunga loyiqmiz va jamoa sifatida uzoq yo‘lni bosib o‘tdik.
Hujumda ajoyib vaziyatlarni yaratdik, ammo o‘yinni tashkil qilishimizdan mamnun bo‘lmadim. Biz ustunlik qilmadik va o‘zimiz xohlagandek o‘ynamadik. "Uotford" yaxshi o‘ynadi, lekin ko‘p narsa bizga bog‘liq edi: biz yaxshiroq o‘ynashimiz kerak edi va bizda yaxshilanish uchun imkoniyat bor edi.
O‘yinchilarim har kuni mashg‘ulot o‘tkazishga va rivojlanishga tayyor ekanliklarini ko‘rib turibman. Lekin o‘zimizga nisbatan halol bo‘lishimiz kerak – bugun himoyaviy chizig‘imiz yetarlicha yaxshi emasdi.
Kuchli to‘rtlik uchun poyga? Biz unda qatnashyapmiz va o‘yindan o‘yinga o‘tyapmiz. Har bir o‘yin juda muhim va bizni keyingi haftada uchta katta jang kutib turibdi" - dedi Arteti Sky Sports bilan suhbatda.
