«Manchester Siti»ning portugaliyalik yarim himoyachisi Bernardu Silva o‘ziga it sotib oldi va unga jamoadoshi Jon Stounz nomini berdi.

27 yoshli portugaliyalik futbolchi fransuz buldogini xarid qilgan. Bernardo «shaharliklar» himoyachisiga, agar it asrab olsa, unga albatta Stounz nomini berishini va’da qilganini ta’kidladi. Silvaning qo‘shimcha qilishicha, u allaqachon itni o‘zi bilan bir necha bor mashg‘ulotlarga olib kelgan.

Eslatib o‘tamiz, Bernardu Silva joriy mavsumda Angliya chempionatida 27 ta o‘yinda maydonga tushib, 7 ta gol va ikkita golli uzatmaga mualliflik qilgan.