"PSJ" hujumchisi Kilian Mbappe dushanba kuni mashg‘ulotlarda jarohat oldi. U jamoadoshlaridan biri bilan qattiq to‘qnashib ketdi va maydonni tark etishga majbur bo‘ldi, deb xabar beradi RMC Sport.

23 yoshli fransuzga yetkazilgan zararning og‘irligi hozircha noma’lum. Ammo endi uning "Real"ga qarshi Chempionlar ligasi 1/8 final javob o‘yinida ishtirok etishi so‘roq ostida.

Eslatib o‘tamiz, "Real" va "PSJ" o‘rtasidagi ilk o‘yin Parijda bo‘lib o‘tgan va 1:0 hisobida parijliklar foydasiga hal bo‘lgandi.

Javob o‘yini 9 mart kuni Madridda bo‘lib o‘tadi.