"ПСЖ" ҳужумчиси Килиан Мбаппе душанба куни машғулотларда жароҳат олди. У жамоадошларидан бири билан қаттиқ тўқнашиб кетди ва майдонни тарк этишга мажбур бўлди, деб хабар беради RMC Sport.
23 ёшли французга етказилган зарарнинг оғирлиги ҳозирча номаълум. Аммо энди унинг "Реал"га қарши Чемпионлар лигаси 1/8 финал жавоб ўйинида иштирок этиши сўроқ остида.
Эслатиб ўтамиз, "Реал" ва "ПСЖ" ўртасидаги илк ўйин Парижда бўлиб ўтган ва 1:0 ҳисобида парижликлар фойдасига ҳал бўлганди.
Жавоб ўйини 9 март куни Мадридда бўлиб ўтади.
