«Manchester Yunayted» ustozi Ralf Rangnikning Krishtianu Ronaldu jarohati tufayli «Manchester Siti»ga qarshi derbini o‘tkazib yuborgani haqidagi so‘zlari hech kimni ishontira olmadi. «Qizil iblislar» o‘yinda mag‘lubiyatga uchragach, turli mish-mishlar paydo bo‘ldi, jumladan, Krishtianuga yaqin bo‘lgan cr7.o_lendario instagram akkauntida Ronaldu asosiy tarkibga kiritilmaganiga norozilik sifatida Portugaliyaga uchib ketgani aytilgandi. Bu postni Ronalduning singlisi Katya Aveyro qo‘llab-quvvatlagan va unga izoh qoldirgan.

- Krishtianu Ronaldu soppa-sog‘ — yuz foiz. Menga o‘xshab Rangnikdan g‘azablangan barchaga xayrli tong, chunki u ba’zi mudofaa taktik rejalaridan kelib chiqib, CR7’ni zaxira o‘rindig‘ida qoldirishga qaror qilib, barchaning dam olish kunini barbod qildi, deb yozdi Katya.