Chexiya Futbol assosiasiyasi «Lokomotiv»ning yangi hujumchisi Yan Kuxta diskvalifikasiya qilingani haqida Rossiya futbol ittifoqini xabardor qilgan.
«Biz FIFAning transferlar bo‘yicha qoidalariga ko‘ra Yan Kuxta diskvalifikasiya qilingani haqida RFIni xabardor qilganmiz. RFI va "Lokomotiv"ning keyingi qadamlari bizga bog‘liq emas», - dedi Chexiya futbol assosiasiyasi tartib-intizom qo‘mitasi rahbari Richard Bachek iSport.cz saytiga.
Eslatib o‘tamiz, hujumchi «Lokomotiv»ga kelishidan oldin Praganing "Slaviya" jamoasini so‘nggi o‘yinda qizil kartochka olgan edi.
Shunga qaramay, Kuxta «temiryo‘lchilar» safida RPLning «Ximki»ga qarshi o‘yinida debyut qildi, buning uchun Moskva jamoasiga endi texnik mag‘lubiyat yozilishi kutilmoqda.
