"Real" va "Barselona" "Zalsburg" hujumchisi Karim Adeyemiga qiziqish bildirmoqda.

Goal nashrining xabar berishicha, ispan klublari 20 yoshli hujumchini Kilian Mbappe va Erling Xolandga muqobil sifatida ko‘rib chiqmoqda. Agar ular bu hujumchilar bilan shartnoma imzolay olmasalar, Adeyemi transferi uchun kurashadilar. Karimning transferi uning yangi klubiga taxminan 40 million yevroga tushadi.

Futbolchining xizmatlariga Dortmundning "Borussiya" klubi ham qiziqish bildirmoqda.

Avstriya chempionatining joriy mavsumida Adeyemi 21 ta o‘yin o‘tkazib, 15 ta gol va 2 ta golli uzatmani amalga oshirgan.