Pep Gvardiola Kayl Uokerning diskvalifikasiyaga olib kelgan harakatlaridan noroziligini bildirdi.

«Manchester Siti» himoyachisi Chempionlar ligasi guruh bosqichida «Leypsig»ga qarshi o‘yinda hujumchi Andre Silvaga nisbatan qo‘pollik ishlatgani uchun maydondan chetlatilgan va keyinchalik «Sporting»ga qarshi ikkita 1/16 final bosqichidagi o‘yinini o‘z ichiga olgan holda, 3 ta o‘yinga diskvalifikasiya qilingan edi.

«U bu diskvalifikasiyaga loyiq edi, o‘sha uchta o‘yinda ham maydonga tushmaslikka loyiq edi, chunki u ahmoqona harakat qildi. Men Kaylning bunday harakatini ma’qullamadim. Men hali ham unga g‘azablanaman. U o‘sha vaziyatda bunga muhtoj yo‘qligini yaxshi biladi.

Klub apellyasiya berdi, lekin men bunga rozi bo‘lmadim. Umid qilamanki, Kayl buni tushundi.

O‘ng qanotda kim o‘ynashini bilmayman. Stouns? Fernandinyo? Biz ba’zi futbolchilar bilan gaplashamiz va akademiya o‘yinchilari borasida ham muhokama qilmoqchimiz, - dedi »Manchester Siti" bosh murabbiyi.