«Chelsi»ning belgiyalik hujumchisi Romelu Lukaku jamoadagi o‘rnidan norozi. Bu haqda klub bosh murabbiyi Tomas Tuxel aytib o‘tdi.

The Sun nashri xabariga ko‘ra, Lukaku so‘nggi paytlarda beqaror va shu sabab uning maydonga tushishiga har doim ham murabbiylar shtabi kafolat bera olmaydi.

Tuxelning aytishicha, «Chelsi»da barcha futbolchilar tarkibdan joy olish uchun kurashishi kerak, Lukaku ham bu qoidadan istisno emas.

Mutaxassisning qo‘shimcha qilishicha, nafaqat belgiyalik o‘zining jamoadagi holatidan norozi, balki boshqa ko‘pchilik futbolchilar har doim ham maydonga tusha olmasligidan qoniqmayapti.

«Men hammaga bo‘lgani kabi unga qo‘limdan kelganicha yordam berishga harakat qilaman», — dedi Tuxel.