«Челси»нинг бельгиялик ҳужумчиси Ромелу Лукаку жамоадаги ўрнидан норози. Бу ҳақда клуб бош мураббийи Томас Тухель айтиб ўтди.
The Sun нашри хабарига кўра, Лукаку сўнгги пайтларда беқарор ва шу сабаб унинг майдонга тушишига ҳар доим ҳам мураббийлар штаби кафолат бера олмайди.
Тухелнинг айтишича, «Челси»да барча футболчилар таркибдан жой олиш учун курашиши керак, Лукаку ҳам бу қоидадан истисно эмас.
Мутахассиснинг қўшимча қилишича, нафақат бельгиялик ўзининг жамоадаги ҳолатидан норози, балки бошқа кўпчилик футболчилар ҳар доим ҳам майдонга туша олмаслигидан қониқмаяпти.
«Мен ҳаммага бўлгани каби унга қўлимдан келганича ёрдам беришга ҳаракат қиламан», — деди Тухель.
