«Chelsi» himoyachisi Andreas Kristensen mavsum yakunida jamoani tark etadi. Daniyalik futbolchining londonliklar bilan shartnomasi tugaydi va Andreas uni uzaytirmoqchi emas. Shu tariqa, yozda futbolchi «ko‘klar»ni erkin agent sifatida tark etadi.
25 yoshli Kristensenning yangi klubi «Barselona» bo‘ladi. Himoyachi 2026 yilgacha mo‘ljallangan shartnomaga rozi bo‘ldi, shuningdek bu bitim yana bir mavsumga uzaytirilishi mumkin. Kataloniya klubida Kristensen 6 million yevro maosh oladi.
Himoyachi joriy mavsumda barcha klub turnirlarida 27 ta o‘yinda maydonga tushib, 2 ta gol va 1 ta golli uzatmani amalga oshirdi.
