«Челси» ҳимоячиси Андреас Кристенсен мавсум якунида жамоани тарк этади. Даниялик футболчининг лондонликлар билан шартномаси тугайди ва Андреас уни узайтирмоқчи эмас. Шу тариқа, ёзда футболчи «кўклар»ни эркин агент сифатида тарк этади.
25 ёшли Кристенсеннинг янги клуби «Барселона» бўлади. Ҳимоячи 2026 йилгача мўлжалланган шартномага рози бўлди, шунингдек бу битим яна бир мавсумга узайтирилиши мумкин. Каталония клубида Кристенсен 6 миллион евро маош олади.
Ҳимоячи жорий мавсумда барча клуб турнирларида 27 та ўйинда майдонга тушиб, 2 та гол ва 1 та голли узатмани амалга оширди.
