Angliya Premyer-ligasi o‘tgan yil davomida irqchilikka qarshi kurashda erishilgan muvaffaqiyatlar haqida gapirdi.
Bir yil avval APLda «Irqchilikka o‘rin yo‘q» dasturi amalga oshirilish boshlangandi. Qayd etilishicha, ligada kamsitishlarga qarshi kurashish va futbolning barcha yo‘nalishlarida tenglikni ta’minlash bo‘yicha muvaffaqiyatlar qayd etilgan.
Premyer-liga irqchilikka qarshi kurashdagi yutuqlari qatorida murabbiylarning imkoniyatlarini kengaytirish, xodimlar o‘rtasidagi xilma-xillikka e’tibor berish va kamsitish hodisalari haqida onlayn xabar berish tizimini ishga tushirish bo‘yicha yangi dasturlarni keltirib o‘tadi.
«Biz diskriminasiyaga qarshi kurash va tenglikni targ‘ib qilishga sodiqmiz. Futbolda erishilgan yutuqlarimizdan mamnun bo‘lsakda, muhim o‘zgarishlar vaqt talab etishini va futbolning barcha sohalarida to‘liq tenglikni ta’minlash uchun hali ko‘p ish qilishimiz kerakligini bilamiz.
Biz klublarimiz va futbol bo‘yicha hamkorlarimiz bilan ishlashda davom etamiz, chunki biz muhim o‘zgarishlarni amalga oshirish va futbolni hamma uchun mehmondo‘st hamda inklyuziv muhitga aylantirish uchun hamkorlik qilamiz», dedi Premyer-liga rahbari Richard Masters.
