Англия Премьер-лигаси ўтган йил давомида ирқчиликка қарши курашда эришилган муваффақиятлар ҳақида гапирди.
Бир йил аввал АПЛда «Ирқчиликка ўрин йўқ» дастури амалга оширилиш бошланганди. Қайд этилишича, лигада камситишларга қарши курашиш ва футболнинг барча йўналишларида тенгликни таъминлаш бўйича муваффақиятлар қайд этилган.
Премьер-лига ирқчиликка қарши курашдаги ютуқлари қаторида мураббийларнинг имкониятларини кенгайтириш, ходимлар ўртасидаги хилма-хилликка эътибор бериш ва камситиш ҳодисалари ҳақида онлайн хабар бериш тизимини ишга тушириш бўйича янги дастурларни келтириб ўтади.
«Биз дискриминацияга қарши кураш ва тенгликни тарғиб қилишга содиқмиз. Футболда эришилган ютуқларимиздан мамнун бўлсакда, муҳим ўзгаришлар вақт талаб этишини ва футболнинг барча соҳаларида тўлиқ тенгликни таъминлаш учун ҳали кўп иш қилишимиз кераклигини биламиз.
Биз клубларимиз ва футбол бўйича ҳамкорларимиз билан ишлашда давом этамиз, чунки биз муҳим ўзгаришларни амалга ошириш ва футболни ҳамма учун меҳмондўст ҳамда инклюзив муҳитга айлантириш учун ҳамкорлик қиламиз», деди Премьер-лига раҳбари Ричард Мастерс.
