Romelu Lukaku «Chelsi»dagi qiyin vaziyatda «Inter»ga qaytmoqchi.
Roman Abramovichga nisbatan sanksiyalar qo‘llanilganidan so‘ng, hujumchi «Inter»ga qaytish istagi haqida yana ma’lum qildi. Unga "Inter" klubi qiziqmoqda va vaziyatning rivojlanishini diqqat bilan kuzatib bormoqda, deb xabar bermoqda La Gazzetta dello Sport nashri.
«Inter»ga qaytish uchun futbolchi maoshini kamaytirishga majbur bo‘ladi. «Chelsi» bilan tuzilgan shartnomaga ko‘ra, Lukaku yiliga 12,5 million yevro maosh oladi. «Inter»ga o‘tish uchun oldingidek maoshga rozi bo‘lishi kerak - yiliga 7,5 million yevro va bonuslar.
Lukaku maoshini kamaytirishga tayyor va u buni «Inter»ga aniq aytdi.
