«Manchester Yunayted»ning fransiyalik yarim himoyachisi Pol Pogba jurnalist bilan suhbatda «Atletiko»ga qarshi Yevropa Chempionlar ligasi 1/8 final dastlabki o‘yinidan so‘ng jamoasi to‘g‘ri xulosa chiqarganiga ishonchi komil ekanligini aytdi.
"Biz nima xato qilganimizni bilamiz va ikkinchi o‘yinda biz kuchliroq bo‘lamiz hamda g‘alaba qozonamiz deb o‘ylayman. Bu eng muhimi. Biz o‘z uyimizda o‘ynayapmiz va g‘alaba qozonishni istaymiz», - dedi Pogba.
«Atletiko»ga qarshi javob o‘yini 15 mart seshanba kuni bo‘lib o‘tadi. Birinchi o‘yin 1:1 hisobida yakunlangan edi.