"Nyukasl" bosh murabbiyi Eddi Xau «Chelsi»ga qarshi o‘yinda mag‘lub bo‘lganidan keyin VARni tanqid qildi.
APLning 29-turida «Nyukasl» uchrashuvning 89-daqiqasida o‘tkazib yuborilgan gol evaziga (0:1) mag‘lubiyatga uchradi.
O‘yinning 39-daqiqasida Kay Xavers Den Bernning boshiga tirsagi bilan zarba berdi, bosh hakam David Kut nemis futbolchisiga sariq kartochka ko‘rsatdi.
57-daqiqada Jeykob Merfi Trevo Chaloba bilan to‘p uchun kurashda mezbonlar jarima maydonchasida ichida yiqildi. Biroq, bosh hakam David Kut VARga murojaat qilmay, burchakdan to‘p o‘yinga kiritilishini ko‘rsatdi.
«Xavers bilan yuzaga kelgan vaziyat qizil kartochkaga tortishi mumkin, lekin men bu haqda gapirmoqchi emas edim. Lekin nima uchun VAR mavjudligida penalti bermadilar yoki hakamni monitorga vaziyatni kuzatish uchun chorlashmadi, men shuni tushunolmayapman. Bu VARni ustidan kulish.
«Nyukasl» hali ham Premyer-ligadagi o‘rnini saqlab qolish uchun kurashda. Bizda hech qanday illyuziya yo‘q va oldinda bizni muhim o‘yinlar kutmoqda», - dedi «Nyukasl» bosh murabbiyi.
