"Ньюкасл" бош мураббийи Эдди Хау «Челси»га қарши ўйинда мағлуб бўлганидан кейин ВАРни танқид қилди.

АПЛнинг 29-турида «Ньюкасл» учрашувнинг 89-дақиқасида ўтказиб юборилган гол эвазига (0:1) мағлубиятга учради.

Ўйиннинг 39-дақиқасида Кай Хаверц Дэн Берннинг бошига тирсаги билан зарба берди, бош ҳакам Давид Кут немис футболчисига сариқ карточка кўрсатди.

57-дақиқада Жейкоб Мерфи Трево Чалоба билан тўп учун курашда мезбонлар жарима майдончасида ичида йиқилди. Бироқ, бош ҳакам Давид Кут ВАРга мурожаат қилмай, бурчакдан тўп ўйинга киритилишини кўрсатди.

«Хаверц билан юзага келган вазият қизил карточкага тортиши мумкин, лекин мен бу ҳақда гапирмоқчи эмас эдим. Лекин нима учун ВАР мавжудлигида пенальти бермадилар ёки ҳакамни мониторга вазиятни кузатиш учун чорлашмади, мен шуни тушунолмаяпман. Бу ВАРни устидан кулиш.

«Ньюкасл» ҳали ҳам Премьер-лигадаги ўрнини сақлаб қолиш учун курашда. Бизда ҳеч қандай иллюзия йўқ ва олдинда бизни муҳим ўйинлар кутмоқда», - деди «Ньюкасл» бош мураббийи.