Ferran Torres “Barselona” safida ilk bor dublga erishdi.

22 yoshli hujumkor yarim himoyachi "Osasuna"ga qarshi o‘yinda (4:0) 14-daqiqada penaltini aniq amalga oshirgan bo‘lsa, 21-daqiqada yana bir bor raqib darvozasini ishg‘ol qildi.

“Manchester Siti”ning sobiq futbolchisi kataloniyaliklar safida 12 ta o‘yinda maydonga tushib, 5 ta gol va 3 ta golli uzatmaga mualliflik qilgan.

Qanot hujumchisi Usmon Dembele Ferranning ikkinchi goliga assistentlik qildi. U shuningdek Pyer-Emerik Obameyangga assistentlik qildi. 24 yoshli fransiyalik futbolchi so‘nggi 4 ta o‘yinda 1 ta gol va 4 ta golli uzatmani amalga oshirgan.