"Lokomotiv" futbol klubi so‘nggi yillarda yosh futbolchilarga o‘zlarini ko‘rsatishi uchun katta yo‘l ochib bermoqda.
Klubning yosh hujumchisi Ali Abdurahmonov o‘tgan mavsum U-18 va U-21 jamoalari safida sermahsullik qayd etib, umumiy hisobda 19 ta gol bilan mavsumni yakunlagandi.
Uning mavsumdagi o‘yinlari nafaqat "temiryo‘lchilar" asosiy jamoa murabbiylar shtabi, balki, muxlislar orasida ham olqishlarga sazovar bo‘ldi.
Superligasi 2-turi doirasida AGMKga qarshi o‘yinda Ali Abdurahmonov 78-daqiqada zahiradan maydonga tushdi va professional futboldagi debyutini amalga oshirdi.
