"Локомотив" футбол клуби сўнгги йилларда ёш футболчиларга ўзларини кўрсатиши учун катта йўл очиб бермоқда.
Клубнинг ёш ҳужумчиси Али Абдураҳмонов ўтган мавсум U-18 ва U-21 жамоалари сафида сермаҳсуллик қайд этиб, умумий ҳисобда 19 та гол билан мавсумни якунлаганди.
Унинг мавсумдаги ўйинлари нафақат "темирйўлчилар" асосий жамоа мураббийлар штаби, балки, мухлислар орасида ҳам олқишларга сазовар бўлди.
Суперлигаси 2-тури доирасида АГМКга қарши ўйинда Али Абдураҳмонов 78-дақиқада заҳирадан майдонга тушди ва профессионал футболдаги дебютини амалга оширди.
