Bugun APL 29-turi doirasida "Kristal Pelas" hamda "Manchester Siti" jamoalari o‘zaro to‘qnash kelishadi. Mazkur o‘yindan oldin qiziqarli ma’lumotlarni taqdim etamiz.
Bilasizmi?
"Manchester Siti" joriy mavsumning ochilish uchrashuvida «Tottenxem»ga mag‘lubiyatga uchraganidan beri 13 safar o‘yinida mag‘lubiyatsiz seriya qayd etmoqda (11 g‘alaba, 2 durang). Ularning oxirgi mag‘lubiyatsiz uzun seriyasi 2018 yilning fevral va dekabr oylarida qayd etilgan (14 uchrashuv).
"Kristal Pelas" 1987/88 yilgi mavsumdan beri ilk bor "Manchester Siti" klubini mavsumning ikki davra o‘yinida ham mag‘lub etishi mumkin. Londonliklar birinchi davrada «Etihad» stadionida o‘tgan bahsda 2:0 hisobida g‘alaba qozonishgan.
Uilfrid Zaha joriy mavsum APLda 9 gol urishga erishgan. Shulardan beshtasi uning oxirgi 8 o‘yinida kiritilgan. Afrikalik futbolchi o‘tgan mavsum Angliya Premyer-Ligasida 11 gol kiritgandi. Agar, u bugun gol uradigan bo‘lsa, faoliyatida ilk bor ketma-ket ikki mavsum APLda +10 gol natijasini qayd etadi.
"Manchester Siti" «Pelas» maydonidagi so‘nggi 6 APL o‘yinida 5 g‘alabani qo‘lga kiritdi (1 durang). «Shaharliklar»ning "Selhurst Park"dagi oxirgi mag‘lubiyati 2015 yilning aprel oyida sodir bo‘lgandi.
Bahs rasmiylari
Bosh hakam: Martin Atkinson
Qanot hakamlari: Li Bitts, Richard Vest
Zaxira hakami: Saymon Huper
VAR: Jarred Jillet
VAR yordamchisi: Harri Lennard
Jamoalar shu paytga qadar o‘zaro 23 APL o‘yinida maydonga tushishgan. 14 bahsda «Siti» g‘alaba qozongan, uchrashuvda "Kristal Pelas" ustunlikka erishgan. 5 bahsda esa durang natija qayd etilgan.
Oxirgi 5 o‘zaro uchashuv
"Manchester Siti" 0-2 "Kristal Pelas" (30.10.2021)
"Kristal Pelas" 0-2 "Manchester Siti" (01.05.2021)
"Manchester Siti" 4-0 "Kristal Pelas" (17.01.2021)
"Manchester Siti" 2-2 "Kristal Pelas" (18.01.2020)
"Kristal Pelas" 0-2 "Manchester Siti" (19.10.2019)
"Kristal Pelas" Angliya chempionatining oxirgi 5 o‘yinida 8 ochkoni qo‘lga kiritdi. "Manchester Siti" esa 12 ochko jamg‘ardi.
Ayni vaqtda "Manchester Siti" hisobida 69 ochko mavjud va musobaqa jadvalida peshqadamlik qilmoqda. "Kristal Pelas" 33 ochko bilan 11-o‘rinni band etib turibdi.
Eslatib o‘tamiz, bugungi bahs Toshkent vaqti bilan 01:00da boshlanadi.
