Xabaringiz bor, joriy mavsum avvalida tojikistonlik yosh iqtidorli yarim himoyachi Sharifjon Rahmatov "Turon" jamoasi safiga qo‘shib olindi. Kuni kecha 19 yoshli futbolchi Tojikiston U-23 terma jamoasining navbatdagi yig‘iniga chaqiruv oldi.
Shu yilning 19-31 mart kunlari Tojikiston U-23 terma jamoasi Turkiyaning Antaliya shahrida o‘quv-yig‘in mashg‘ulotlarini o‘tkazadi. Mazkur yig‘inda jamoamizning legioner futbolchisi Sharifjon Rahmatov ham ishtirok etadigan bo‘ldi.
"Turon" futbol klubi jamoasi barcha futbol muxlislari nomidan Sharifjon Rahmatovga Tojikiston U-23 terma jamoasidagi faoliyatida omad va muvaffaqiyatlar yor bo‘lishini tilab qoladi.
