Italiya sog‘liqni saqlash vaziri Roberto Speransa Italiya va Shimoliy Makedoniya o‘rtasidagi JCH-2022 pley-off o‘yini 100 foiz muxlis kiritilgan stadionda o‘tkazilishini tasdiqladi.
"Mavjud epidemiologik vaziyat va voqeaning ahamiyatini inobatga olgan holda, Italiya - Shimoliy Makedoniya o‘yiniga 100 foiz muxlis kiritilishiga hech narsa to‘sqinlik qila olmaydi", - dedi Speransa.
Qayd etilishicha, oy oxirigacha Italiya hukumati Italiya chempionati o‘yinlarida tribunalarni to‘liq to‘ldirishga ruxsat berishi mumkin.
Eslatib o‘tamiz, Italiya va Shimoliy Makedoniya uchrashuvi 24 mart kuni bo‘lib o‘tadi.