Италия соғлиқни сақлаш вазири Роберто Сперанца Италия ва Шимолий Македония ўртасидаги ЖЧ-2022 плей-офф ўйини 100 фоиз мухлис киритилган стадионда ўтказилишини тасдиқлади.
"Мавжуд эпидемиологик вазият ва воқеанинг аҳамиятини инобатга олган ҳолда, Италия - Шимолий Македония ўйинига 100 фоиз мухлис киритилишига ҳеч нарса тўсқинлик қила олмайди", - деди Сперанца.
Қайд этилишича, ой охиригача Италия ҳукумати Италия чемпионати ўйинларида трибуналарни тўлиқ тўлдиришга рухсат бериши мумкин.
Эслатиб ўтамиз, Италия ва Шимолий Македония учрашуви 24 март куни бўлиб ўтади.