Madridning "Real" klubi sobiq hujumchisi Antonio Kassano nima uchun Krishtianu Ronalduni dunyo futboli tarixidagi eng yaxshi futbolchilar ro‘yxatiga kiritmasligini tushuntirib o‘tdi.
«Men uning 807 ta goli oldida shlyapamni yechaman. Biroq, Krishtianu dunyoning eng yaxshi futbolchilari ro‘yxatiga kirmaydi.
Dunyo futboli to‘purarlari ro‘yxati? Ha, bu ro‘yxatga kiradi. U kuchli hujumchimi? Shubhasiz! Qolaversa, unda sovrinlar ham bor.
Krishtianuni Indzagi yoki Trezege bilan taqqoslasa bo‘ladi. Ular ajoyib hujumchilar edi, lekin, keling ochiq gapiraman: chiroyli futbol o‘ynash – umuman boshqa narsa.
Gollar futbolchining kuchini belgilamaydi. Inyesta 60 ta gol urmagan, Zidanni gollari soni 100 ta chiqmaydi… Lekin ular daho, futbol tarixini yaratishgan», – dedi Kassano.
