Мадриднинг "Реал" клуби собиқ ҳужумчиси Антонио Кассано нима учун Криштиану Роналдуни дунё футболи тарихидаги энг яхши футболчилар рўйхатига киритмаслигини тушунтириб ўтди.
«Мен унинг 807 та голи олдида шляпамни ечаман. Бироқ, Криштиану дунёнинг энг яхши футболчилари рўйхатига кирмайди.
Дунё футболи тўпурарлари рўйхати? Ҳа, бу рўйхатга киради. У кучли ҳужумчими? Шубҳасиз! Қолаверса, унда совринлар ҳам бор.
Криштиануни Индзаги ёки Трезеге билан таққосласа бўлади. Улар ажойиб ҳужумчилар эди, лекин, келинг очиқ гапираман: чиройли футбол ўйнаш – умуман бошқа нарса.
Голлар футболчининг кучини белгиламайди. Иньеста 60 та гол урмаган, Зиданни голлари сони 100 та чиқмайди… Лекин улар даҳо, футбол тарихини яратишган», – деди Кассано.
