“Andijon” klubi pro liganing 3-turida safarda “Xorazm” jamoasiga qarshi muhim o‘yinda ishtirok etadi. Ayni chog‘da Viktor Kumikov shogirdlari bo‘lajak bellashuvga jiddiy ravishda tayyorgarlik ko‘rishmoqda.
Ma’lumki, “Xorazm” klubi ham pro liganing muntazam ishtirokchilaridan biri sanaladi. O‘z oldiga Superligaga qaytish vazifasini qo‘ygan “Andijon” tabiiyki, bor e’tiborini mazkur uchrashuvga qaratgan.
Ushbu klublar oxirgi marta 2018 yili pro ligada to‘qnash kelishgan. Yodingizda bo‘lsa, o‘shanda 4 davrali tizim asosida bahslar o‘tkazilgan. O‘shanda “Andijon” “Xorazm”ni barcha bellashuvlarda mag‘lubiyatga uchrata olgan.
Endi mazkur jamoalarning o‘zaro o‘yinlar tarixiga to‘xtaladigan bo‘lsak, umumiy hisobda shu kunga qadar “Andijon” hamda “Xorazm” 20 marotaba to‘qnash kelishgan. Andijonliklar ushbu uchrashuvlarning 12 tasida muvaffaqiyat qozonishgan. “Xorazm” esa bu borada 4 bor zafar quchgan. Shuningdek, yana 4 ta bellashuvda tomonlar durang ko‘chasini tanlashgan. Tabiiyki, to‘plar nisbatidagi ustunlik ham “Andijon” tomonida. Bu borada “Burgutlar” 44 ta gol urishgan va o‘z darvozasidan 15 ta to‘p olib chiqishgan.
O‘yinlar tarixi
1996 yil
1-davra “Dinamo U” – “Navro‘z” – 1:1
2-davra “Navro‘z” – “Dinamo U” – 3:0
1997 yil
1-davra “Xorazm” – “Andijon” – 2:0
2-davra “Andijon” – “Xorazm” – 3:1
1998 yil
1-davra “Xorazm” – “Andijon” – 2:0
2-davra “Andijon” – “Xorazm” – 2:1
1999 yil
1-davra “Andijon” – “Xorazm” – 1:2
2-davra “Xorazm” – “Andijon” – 0:1
2000 yil
1-davra “Xorazm” – “Andijon” – 0:0
2-davra “Andijon” – “Xorazm” – 4:0
2006 yil
1-davra “Xorazm” – “Andijon” – 0:3
2-davra “Andijon” – “Xorazm” – 7:1
2009 yil
1-davra “Xorazm” – “Andijon” – 2:1
2-davra “Andijon” – “Xorazm” – 4:2
2010 yil
1-davra “Andijon” – “Xorazm” – 0:0
2-davra “Xorazm” – “Andijon” – 1:1
2018 yil
1-davra “Andijon” – “Xorazm” - 3:1
2-davra “Xorazm” – “Andijon” - 2:3
3-davra “Andijon” – “Xorazm” – 6:1
4-davra “Xorazm” – “Andijon” – 0:1
