«Barselona» ustozi Xavi Yevropa ligasi doirasida «Galatasaroy» jamoasiga qarshi bo‘lib o‘tadigan o‘yin oldidan o‘z fikrlari bilan o‘rtoqlashdi.

“Bu biz uchun xuddi finaldek. Muvaffaqiyatsiz o‘ynasak - turnirni tark etamiz.

Birinchi o‘yindagidan ko‘ra kuchliroq o‘ynashimiz kerak. O‘tgan haftadagi bahsning birinchi yarmida ko‘rsatgan o‘yinimiz menga yoqmadi. Bir hafta o‘tgach, biz yaxshiroq ko‘rindik, ammo bir necha bor omadsiz harakat qildik. «Osasuna»ga qarshi ko‘satgan o‘yinimizni namoyish etishimiz kerak.

Ertaga g‘alaba qozonishimiz kerak. Bu final. Biz yevrokuboklarda kurasha olishimizni isbotlashimiz kerak. Hozir «Napoli»ga qarshi o‘yindagidek holatdamiz.

O‘ylaymanki, o‘yin dastlabki uchrashuvdek bo‘ladi. Bo‘shliqlarni yaratishga harakat qilishimiz kerak. Biz ko‘proq imkoniyatlar yaratib, yaxshiroq hujum qilishga harakat qilamiz. Biz xatolarga yo‘l qo‘ydik va ular juda yaxshi himoyalanishdi. Penya ajoyib o‘ynadi. Bu final va biz o‘yinga shu munosabat bilan yaqinlashyapmiz. Biz oldinga borishni xohlaymiz.

Maqsadimiz kelasi mavsum Chempionlar ligasiga chiqish ekanligini ko‘p marta aytganman. Yevropa ligasida g‘alaba qozonish - variantlardan biri. Futbolchilar juda hayajonda, ular Yevropadagi eng nufuzli turnir bo‘lmasa ham, o‘zlarini jang qilishga qodir ekanliklarini ko‘rsatmoqchi”, - dedi «Barselona» ustozi.