Fransiya polisiyasi Chempionlar ligasi 1/8 finalining «Lill» – «Chelsi» javob o‘yini oldidan ingliz klubi muxlislarini ularga qarshi tayoqchalar va ko‘zdan yosh oqizuvchi gaz ishlatib tarqatdi, deb xabar tarqatmoqda Mirror nashri.
Polisiya vakilining so‘zlariga ko‘ra, huquq-tartibot idoralari shahardagi muxlislarning xatti-harakati haqidagi shikoyatlardan so‘ng chaqirilgan.
10 mart kuni Buyuk Britaniya rossiyalik tadbirkor Roman Abramovichga qarshi sanksiyalar joriy qildi. Milliarderning Buyuk Britaniyadagi aktivlari muzlatib qo‘yilgan, shuningdek, uning mamlakatga kelishi ham taqiqlangan.
Shu tariqa, Abramovich qonuniy ravishda «Chelsi» futbol klubi egasi bo‘lishni to‘xtatdi va uni sotish imkoniyatidan mahrum bo‘ldi.
Aktivlar muzlatilishidan oldin Abramovich «Chelsi» uchun 4 milliard funt sterling talab qilayotgani aytilgandi.
