Yurgen Klopp «Arsenal» ustidan qozonilgan g‘alaba va «Manchester Siti» bilan chempionlik uchun kurash haqida gapirdi.

APLning 27-tur qoldirilgan o‘yin doirasida «Liverpul» «Arsenal»ni mag‘lub etdi (2:0) va «Manchester Siti» bilan farqni 1 ochkoga qisqartirdi.

O‘yin haqida:

“Haqiqatan ham muhim uch ochko. Bu yerga kelib, «Arsenal»ni mag‘lub etish - ajoyib, ammo bu yo‘lda g‘alaba qozonish - bundan ham o‘ziga xos daqiqa.

Biz o‘yinni ajoyib boshladik, keyin o‘yin ochiqroq bo‘ldi, har ikki jamoa ham sabr qildi, to‘pga unchalik yaxshi egalik qilmadik. Raqib yaxshi segmentlarga ega edi va bu biz uchun qiyin bo‘ldi.

Tanaffusdan keyin o‘yinimizni yaxshilashni maqsad qilgandik. Biz yuqoriroq himoyalanishni boshladik, tashabbusni qo‘lga oldik va o‘yin o‘zgardi.

Tiagoning xatosi? Bunday xatolar sodir bo‘ladi, lekin sodir bo‘lmasa yaxshi bo‘lardi. O‘ylaymanki, u Alisson uni saqlab qolganidan keyin yengil tortdi. O‘sha vaziyatda raqib bizni jazolashi va hisobda oldinga chiqib olishi mumkin edi. Ammo keyin Jota gol urdi va biz oldinga chiqib oldik. Bu o‘yinning juda muhim nuqtasi bo‘ldi.

Chempionlik poygasi haqida:

«Jamoa uchun juda xursandman, bizdagi vaziyatdan mamnunman, ammo bu hammasini keskin o‘zgartirmaydi. Biz oldinga siljishimiz kerak. Birinchi bo‘limda jamoa astoydil mehnat qilayotganini, ikkinchi bo‘limda esa o‘yindan zavqlanayotganini ko‘rdim.

Biz bu vaziyatdan rohatlanishni va g‘alaba qozonishni juda xohlaymiz. Bu oson emas. To‘g‘ri mentalitetni saqlash kerak”, - dedi «Liverpul» bosh murabbiyi.