Yevropa chempionlar ligasi musobaqasida nimchorak final bosqichi o‘yinlari yakuniga yetdi. Navbat keyingi bosqichlar uchun tashlanadigan qur’a marosimiga. Ushbu tadbir haqidagi eng muhim ma’lumotlarni e’tiboringizga havola qilamiz.

Qachon va qayerda?

Yevropa chempionlar ligasi chorak final, yarim final va finaliga qur’a tashlash marosimi 18 mart kuni, juma kuni UYEFA qarorgohi joylashgan Shveysariyaning Nyon shahrida bo‘lib o‘tadi. Marosim Toshkent vaqti bilan 16:00da boshlanadi.

Qaysi jamoalar ishtirok etadi?

Chorak final bosqichiga Ispaniya va Angliyadan 3tadan jamoalar yetib kelishdi. Ularning safini "Benfika" (Portugaliya) va "Bavariya) (Germaniya) to‘ldirishdi. Italiya va Fransiyadan jamoalar qolmadi.

"Atletiko" (Ispaniya)
"Bavariya" (Germaniya)
"Benfika" (Portugaliya)
"Vilyareal" (Ispaniya)
"Liverpul" (Angliya)
"Manchester Siti" (Angliya)
"Real" (Ispaniya)
"Chelsi" (Angliya)

Qur’a tartibi qanday?

Marosimda 3 xil qur’a tashlanadi. Dastlab chorak final juftliklari aniqlanadi, so‘ngra yarim final to‘qnash kelishi mumkin bo‘lgan juftliklar uchun qur’a tashlanadi. Yakunda esa finalda nominal mezbon nomini aniqlash uchun qur’a tortiladi.

Qur’a "ko‘r-ko‘rona" tamoyili asosida o‘tkaziladi. Jamoalar savatchalarga ajratilmaydi. Bir mamlakat vakillari o‘zaro to‘qnash kelishi mumkin. Qur’ada birinchi bo‘lib nomi chiqqan jamoa ikkinchi klub bilan juftlik hosil qiladi. Va hokazo.

O‘yin taqvimi

Chorak final:
Dastlabki uchrashuvlar:  5 va 6 aprel
Javob bahslari: 12 va 13 aprel

Yarim final:
Dastlabki uchrashuvlar: 26 va 27 aprel
Javob bahslari: 3 va 4 may

Final
28 may ("Stad-de-Frans", Parij)