"Inter" Ivan Perishich bilan shartnomani uzaytirish borasida muzokara olib bormoqda. Bu haqda jurnalist Nikola Shkira o‘zining Tvitter sahifasida xabar berdi.

Manbaga ko‘ra, xorvatiyalik futbolchiga yiliga 5 million yevro maosh bilan 2024 yilgacha mo‘ljallangan shartnoma taklif etiladi. 33 yoshli vinger do‘sti Marselo Brozovich o‘ynayotgan "Inter"da qolishni istaydi. Ivanning "neradzurrilar" bilan amaldagi shartnomasi 2022 yilning yozida yakuniga yetadi.

Joriy mavsumda Peresich "Inter" safida barcha musobaqalarda 37 ta o‘yinda maydonga tushib, 5 ta gol urdi va 3 ta golli uzatmani amalga oshirdi.