"Chelsi"ning ispaniyalik tajribali himoyachisi Sesar Aspilikueta jurnalistlar bilan suhbatda Chempionlar ligasi 1/8 finalida "Lill" ustidan qozonilgan g‘alaba haqida gapirdi.
Sesarning aytishicha, London jamoasi birinchi bo‘limni juda yomon o‘tkazgan, ammo keyin xarakter ko‘rsatib, g‘alaba qozonishga muvaffaq bo‘lgan. Aspilikueta “Chelsi” har qanday turnirda g‘alaba uchun kurashishga doim tayyor ekanligini ta’kidladi. Himoyachi londonliklar uchun mavsum yakuni muvaffaqiyatli bo‘lishiga umid qilmoqda.
