"Barselona" va "Spotify" o‘rtasidagi shartnoma tafsilotlari ma’lum bo‘ldi. Shartnoma 4 yilga mo‘ljallangan bo‘lib, klub jami 265-275 million yevro oladi. Bunga quyidagilar kiradi: homiyning logotipi klubning asosiy libosiga 4 yilga, mashg‘ulotlar libosiga 3 yilga joylashtiriladi. Stadion 6 yilga "Spotify Camp Nou" deb nomlanadi, shartnomani yana 15 yilga uzaytirish imkoniyati mavjud. Bu variant bilan "Spotify" klubga stadion nomi yiliga 15-20 million yevro to‘laydi.
Klub bu shartlarni rasman e’lon qilmagan, tomonlar ma’lumotni oshkor etmaslik to‘g‘risida shartnoma imzolagan. Bu bitim kamida 3 aprelgacha rasmman amal qiladi.
