“Vest Xem” hujumchisi Maykl Antonio jamoaning Yevropa ligasi chorak finaliga chiqqanidan keyin o‘z fikrlari bilan o‘rtoqlashdi. 

1/8 final javob o‘yinida londonliklar o‘z maydonida “Sevilya”ni mag‘lub etishdi – 2:0. Birinchi uchrashuv 1:0 hisobida ispanlar foydasiga hal bo‘lgandi.

“Bu aql bovar qilmaydigan narsa edi. Bu mavsum orzularimiz ro‘yobga chiqqandek. Biz shunchaki o‘ynaymiz va futboldan zavqlanamiz. Muxlislarga ham bu yoqadi degan umiddaman.

Birinchi bo‘limda o‘zimizga ishonch oshdi. Biz vaziyat yaratishda davom etdik, harakat qildik. O‘zimizga o‘zimiz barchasini to‘g‘ri qilsak, g‘alabaga erishamiz, dedik.

Endi kim bilan o‘ynashimizdan qat’i nazar, biz hech kimdan qo‘rqmaymiz. Hozir biz Yevropa ligasining chorak finalidamiz, kubok uchun kurashamiz. Biz bu yerda faqat ishtirok etish kelmaganmiz. Nega biz turnirda g‘olib chiqmasligimiz kerak?" — deydi Antonio.

18-mart, bugun Nyon shahrida (Shveysariya) Yevropa Ligasi chorak finaliga qur’a tashlash marosimi bo‘lib o‘tadi.