“Вест Хэм” ҳужумчиси Майкл Антонио жамоанинг Европа лигаси чорак финалига чиққанидан кейин ўз фикрлари билан ўртоқлашди. 

1/8 финал жавоб ўйинида лондонликлар ўз майдонида “Севилья”ни мағлуб этишди – 2:0. Биринчи учрашув 1:0 ҳисобида испанлар фойдасига ҳал бўлганди.

“Бу ақл бовар қилмайдиган нарса эди. Бу мавсум орзуларимиз рўёбга чиққандек. Биз шунчаки ўйнаймиз ва футболдан завқланамиз. Мухлисларга ҳам бу ёқади деган умиддаман.

Биринчи бўлимда ўзимизга ишонч ошди. Биз вазият яратишда давом этдик, ҳаракат қилдик. Ўзимизга ўзимиз барчасини тўғри қилсак, ғалабага эришамиз, дедик.

Энди ким билан ўйнашимиздан қатъи назар, биз ҳеч кимдан қўрқмаймиз. Ҳозир биз Европа лигасининг чорак финалидамиз, кубок учун курашамиз. Биз бу ерда фақат иштирок этиш келмаганмиз. Нега биз турнирда ғолиб чиқмаслигимиз керак?" — дейди Антонио.

18-март, бугун Ньон шаҳрида (Швейцария) Европа Лигаси чорак финалига қуръа ташлаш маросими бўлиб ўтади.